Shillong Lber 19: Ka Meghalaya State Commission for Protection of Child Rights (MSCPCR) hynne ka sngi Balang, kala pynrem jur ia ka jingjia ha Karnataka ha kaba 2 ngut ki khynnah na Meghalaya kila khlad noh bad 22 ngut kila shitom na ka jingbam ia ki jingbam kiba la sah.
Ha ka kyrwoh, ka MSCPCR kala pynrem jur ia ka jingjia ha Karnataka ha kaba ar ngut ki khynnah na ka jylla ki la duh ei ia la ka jingim kaba kynthup ia uwei uba na Lyndem, Pynursla bad uwei uba na Sohparu, Nongstoin.
“Ka State Commission ka pynrem jur ia kito kiba donkti ban iuhroit ia ka hok jong ki khynnah bad ka Commission ka iatreilang bad ka Karnataka State Commission for Protection of Child Rights ban pynthikna ia ki lad pynshitom ia kito kiba donkti bad ruh ban iarap ban peit ia ka koit ka khiah bad ka bha ka miat jong ki 22 ngut kiwei pat ki khynnah na Meghalaya kiba la shah ktah ha kane ka jingjia” la pynpaw ha ka kyrwoh.
Ka MSCPCR kala kyrpad ruh ia ka Karnataka State Commission for Protection of Child Rights ban ai ia ka kaiphod kaba bniah ban lap ia ki jingduna kiba wanrah ia ka jingpynkhein ia ka hok iada ia ki khynnah.
