Shillong, Kyllalyngkot 29: Ka Mizoram kala pynrem iaka Meghalaya da 191 run ha ka jingiakhun ha ka Ranji Trophy plate group kaba la long ha Anand, Gujarat, hynne ka Sngi Nyngkong.
Ka Mizoram kaba la tied arsien ka la tam lypa da 315 run ia ka Meghalaya bad haba ki nongialehkai ka Meghalaya kila leit ban tied hynne ka sngi kila kamai tang 124 run bad hap lut ki nongtied bad ka Mizoram kala jop da 191 run.
U Nongtied ka Meghalaya u Raj Biswa uba la kamai ia ka Century ha ka First Inning, hynne ka sngi pat ym shym la shan slem ha ki nongkawang bol jong ka Mizoram, katba u Arien Bonchang Sangma ula kamai 26 run, u Dippu Ch Sangma ula kamai 24 run bad u Jaskirat Singh Sachdeva ula kamai 21 run.
Ki nongkawang bol ka Mizoram kiba kynthup ia u KC Cariappa ula shim 4 wiket, u Thankuma ula ioh 3 wiket bad u Mohit Jangra ula ioh 2 wiket.
Ka Meghalaya kala jop arsien bad rem arsien bad kan iakhun khatduh eh bad ka Sikkim ha Rangpo kaba nsdang naduh ka 2 tarik u Rymphang bad wat ka Sikkim ruh kala jop arsien bad rem arsien bad ka jingiakhun hapdeng ka Meghalay bad ka Sikkim kan long kaba itynnad bha.
