Shillong Naiwieng 18: Ka Khasi Students’ Union-Mawlai Circle bad Nongthymmai Circle ka la pynrem bad pyrshah jur halor ka jingkem bad pharep kulmar ka tnad pulit ia ki dkhot ka seng na Mawlai bad Nongthymmai da kaba kynnoh ba ki donkti ha kaban pynklumar haka jingiaid Rally ka FKJGP mynha ka 28 tarik u Risaw 2022.
U Samla Biangbor L.Paliar President KSU Mawlai Circle bad Samla Eric Nongkynrih President KSU Nongthymmai Circle kila pynpaw iaka jinglyngngoh ia ka rukom leh ki pulit bad ong ba kane ka sienjam ki bor ka ain ka i kumba ki nang ai ding namar la shu pharep bad kem la kumba kem ia ki lehnoh.
“Ka jingkylli kaba ngi kwah ban buh sha ka sorkar ka long hato ka sorkar kala shimkhia ne ka la pynurlong ia ki mat jingdawa ka jaitbynriew? Ne ka shimkhia beit tang ban pyntyrha ia ki samla ka jaitbynriew? Kine ki jingleh ka sorkar ki pynbitar bad ka pyni ba ki kwah ban nion ia ki samla ka jaitbynriew ban tei pop bad pharep khlem nongrim” ong kitei ki nongialam ka KSU.
Kine ki nongialam kila ong ba ka seng ka phah iaka kyrwoh kaba shai sha ka sorkar ba ka dei ban sangeh shi syndon ka jingpyntyrha bad ynnai pynjrong khana ioh ka poi sha ka lynti kaba ym lah kun shuh iaka jingsngew, namar la ju iai shimkabu man ka por ha kiba bun ki liang.
“Ki kam ki bym shoh toh la pynheh bad la shu pynsohsat jubor… kane baroh ka dei ka jingleh ka sorkar kaba thmu ban pynkbum jubor ia ka hok ban pynsngew ia ki jingeh ka jaitbynriew” kila ong.
“Lada shah thombor ki Khasi ha ki bar jylla ka tnad pulit kam ju shimkhia bad la ju don ruh ki pulit kiba kwah ban pynjah rngai ia ka jingjia ne da kaba pyntieng ia ki bahaiing bad sa phah iasuk jubor wat la ka jingjia ka la poi sha ka jingmynsaw…. katba ia ki samla Khasi ki nion la kumba nion iaki lehnoh” kila bynrap.
Kine ki Nongialam ka KSU kila buh jingkylli da kaba ong “Hato ka aiñ ka trei kam tang ia ki Khasi? lada ka iai long sah kumne ka tlang kan kylla lyiur bad ka sorkar ka dei ban shim iaka jingkitkhlieh”.
