spot_img

Pynrem ka Kerela ia ka Meghalaya da 1-0 ha ka Santosh Trophy 

Date:

Share post:

Shillong, Nohprah 17: Ka Meghalaya kala shah pynrem noh ha ka Kerela da 1-0 ha ka jingiakhun ia ka Senior Men’s National Football Championship jongka Santosh Trophy 2024-25 kaba la long ha ka Sngi Baar ha Hyderabad.

Mar ia sdang ka jingiakhun, ki nongialehkai ka Kerela kila lah ban ialehkai bha bad ha ka minit kaba 37 u Muhammad Ajsal ula ioh ban thep ia ka kol kaba la long syndon ka kol kaba la pynjop ia ka Kerela ha ka jingiakhun ha ka Group B.

U Coach ka Meghalaya u Bah Hering Shangpliang, ula pynmih bujli ar ngut ki rangialehkai u Badondor Marbaniang bad u Khrawkupar Jana ha ka kylla miet, da kaba khmih lytni ba kin thaw ia ki lad ban ioh thep kol, hynrei ha kane ka kynti kaba mynta ka kynhun ialehkai jong ka Meghalaya kam shym la lah ban thaw pyrthei eiei kumba kala leh ha ki jingialehkai da kaba thep kol ha ka kylla miet.

Ka jingiakhun hapdeng kine ki ar tylli ki kynhun kala long kaba itynnad ha ka kylla miet, ha kaba ka Meghalaya kala ioh bun tylli ki kabu ban thep kol hynrei kim shym la lah pat ban thep kol.

Ha kawei pat ka jingiakhun ha ka Group B, ka Odisha kala pynrem ia ka Goa da 2-0 bad ka Delhi kala pynrem ia ka Tamil Nadu da 2-0.

Kumba long mynta ka Delhi bad Kerala ki don ha ka kyrdan kaba hakhmat eh da kaba ioh mar 6 point na ki ar tylli ki jingiakhun, katba ka Odisha kaba la ioh 3 point kala wan balai, ka Meghalaya bad ka Tamil Nadu kila ioh mar 1 point bad ka Goa kam pat ioh kamai point eiei.

Tang saw tylli ki kynhun na kawei ka Group kin ioh ban rung sha ka Quarterfinal.

Ka Meghalaya kan iakhun pyrshah ia ka Delhi ha ka Sngi Palei ha ka por 2:30 mynsngi.

Share post:

spot_img
spot_img

Popular

More like this
Related

Assam | Pyntip u CM ba dang treikam ka hukum shu siat beit ia ki nongpynkulmar ha ka Durga Puja

Guwahati, Nailar 27: U Myntri Rangbah ka jylla Assam...

Bthah ka GAD ia ki Tnad Sorkar bad paidbah ban pyndonkam ia ka Aadhaar QR Scanner App

Ban khanglad ia ka jingpyndonkam ia ki Aadhaar Card...

Palat 3332 ki skul SSA Primary ba kloi ban aiti pyniaid noh sha ka Sorkar Jylla

Shillong, Nailar 27 : Palat 3332 tylli ki skul...

Sdang pyntreikam ka Sorkar ia ka OBPS ban aplai online ia ka jingbit tei Iing

Shillong, Nailar 27 : Ka Sorkar Jylla kala pynmih...