Shillong, Lber 19 : Ka Garoland State Movement Committee kala dawa ban pynlait noh mardor ia u Acting Chairman Balkarin Ch Marak bad nongialam ka ACHIK Johny Arengh Marak, kiba shah kem na ka jingiakhih ba dawa pynlong kongsan ia ka syrnot Scheduled Tribe (ST) na ka bynta ki kyrtong ba iakhun ia ka elekshon GHADC.
Ha ka kyrwoh ba pynlait ha ka sngi Palei, ka GSMC kala ong ba ka jingiakhih ha Tura ka dei kaba jai jai bad ba iaid kat kum ka ain, kaba la pynlong kat kum ka hok Sixth Schedule bad la iohi ruh ia ka jingwan iashimbynta da ki hajar ki nongshongshnong, kynthup ki nongialam sain pyrthei, ki nokma, sardar bad ki dkhot ki jaidbynriew riewlum.
Haba niew ia kane ka jingkam kum ka kam bym iahap bad ba iaid pyrshah ia ka hok bala pynkup ha ki kyndon bapher bapher ka Riti Synshar ka Ri, ka Committee ka maham ba lada ym pynlait noh ia kine ki arngut ki nongialam hapoh kane ka taiew, kan pynlong ia ka jingiakhih paidbah ha ryngkat ki Nangrimigimim Achik Dol, Nokma bad ki nongshongshnong.
“Ngi kyrpad ia ka Sorkar ba kan leh eiei mardor bad ban pynlait noh ia kine ki nongialam bad ki briew kiba shah kem” ong ka kyrwoh.
 na ka bynta ki kyrtong ba iakhun ia ka elekshon GHADC.){kind=link}