Shillong Iaiong 26: Ka jingialang kaba nyngkong eh jong ka National Committee ka seng National People’s Party (NPP) kala shim ia ka Resolution ban pynrem jur pyrshah ia ka kam thombor ha Pahalgam pyrshah ia ki mynsiem briew kiba lui lui.
U Working President ka NPP u James K Sangma ula pyntip ba ha kane ka jingialang kaba nyngkong jong ka National Committee kaba la long ha ka 24 tarik u Iaiong ha nongbah Shillong, la pyniaid da u National President ka NPP u Conrad K. Sangma bad la shim ia ki rai ha kaba iadei bad ka jingjia jong ka kam thombor hapoh Pahalgam, Jammu & Kashmir.
Ka National Committee kala pynlong ia ka jingsngap jar kaba 2 minit kum ka dak ban kynmaw burom ia ki mynsiem kiba la khlad noh bad la buh jingduwai ban ai bor bad jingpyntngen ia kito kiba la duh noh ia la ki bahaiing bahasem.
Ka seng NPP kala pynrem jur ruh ia katei ka kam runar kaba la leh pyrshah ia ki riewpaidbah kiba luilui hapoh Pahalgam dang shen bad kala kyntu bad buh jingduwai ba ka shongsuk shongshngain kan wanphai biang.
 kala shim ia ka Resolution ban pynrem jur pyrshah ia ka kam thombor ha Pahalgam pyrshah ia ki mynsiem briew kiba lui lui.){kind=link}