Shillong, Naitung 25: U President ka BJP-Meghalaya Bah Ernest Mawrie ha ka sngi Ba-ar, ula pynrem jur ia ka jingjia ha Tura bad ong ba ka Meghalaya BJP kam kyrshan ia kino kino ki jingiakhih ba iaumsnam bad ka party ka khlem ai ruh kano kano ka jingbthah ia ka Mahila Morcha ba kin leit iashimbynta ha kum kine ki jingiakhih.
U President ka BJP ula ong ba ka Disciplinary Committee jong ka Party kan sa leh ia kaba donkam bad aiti ia ka kaiphod pyrshah ia kito kiba donkti hapoh ka 15 sngi.
“Ka jinghiar thma ia ka Chief Minister Officer ka dei kaba hap pynrem jur bha bad ka BJP kawah ba baroh kito kiba donkti ki dei ia kaban shah kem mardor” ong u Bah Mawrie ha ka kyrwoh.
Ula bynrap b aka Party kan sa shim ia ka kaiphod na ki District Officer bad hadien kane kan sa leh eiei pyrshah ia kitp kiba donkti ha kum kine ki kam bymman.
U Bah Ernest ula ong ba ka BJP naduh kaba sdang hi kam ju pynshlur ia kino kino ki jingiakhih da ka lynti ba iaumsnam.
“Ka BJP ka dei shibynta jong ka Sorkar bad ka ieng lang bad kano kano ka rai bala shim da ka Sorkar na ka bynta u paidbah” ula ong.
Pule ruh: NPYF condemns ‘criminal conspiracy’ in which CM’s office in Tura was attacked
