Shillong, Nailur 20 : Ki shipai Border Security Force (BSF) kila pynpulom ia artylli ki kam khaii tuh ha khappud ka Bangladesh bad iohkem ia uwei u nong India ha ryngkat bun bah ki mar.
Ha ka jingkhynra ba pynlong hynnin ka sngi Palei, ki shipai pahara ka 193 Bn ki BSF, kila ioh kem ia uwei u nong India ha ryngkat bad ka kali kaba kit ia bun bah ki reng muid bala buhrieh ha ka pla.
Hynne ka step sngi Thohdieng ruh, kane ka juh ka kynhun shipai kala ioh ban kurup ia bun bah ka kyiad kaba shongdor haduh T.13 lak, kaba thmu ban khaii tuh sha Bangladesh.
Ki shipai BSF kila pynjur bha ia ka jingkhynra ha ki shnong khappud ka Jylla ban tehlakam ia ki kam khaii tuh bad ki kam bymman ha ki khappud.
