Shillong, Iaiong 30 : Ki shipai Border Security Force (BSF) Meghalaya, kila pynpulom ia artylli ki kam khaii masi bad shini be-ain sha Bangladesh na khappud ka South West Khasi Hills bad kem 4 ngut ki briew.
Kat kum ka kyrwoh, ki shipai BSF ha ka 29 tarik kila ioh kurup haduh 28 tylli masi na ki artylli ki bolero pickup katba ki nongkhaii ki dang thmu khaii sha Bangladesh. Ia kine ki kali la iohbat na khappud ka South West Khasi Hills bad la ioh kem ia saw ngut ngut ba kynthup ia arngut ki nongniah bad arngut ki nongbud.
Haba tohkit, la shem ba kine ki briew kim don satia ia ki kot ki sla kiba biang ban khaii ia ki masi. Ia kine ki briew la aiti noh sha ki Pulit ba kin leh ia kaba donkam.
Ha kawei pat ka jingkhynra, ki shipai BSF kila ioh kurup haduh 16000 kilo ka shini, kaba thmu ban khaii tuh sha Bangladesh na khappud ka South Garo Hills.
Ki shipai kila kurup ia kane ka shini na kawei ka sem kaba don hajan khappud.
