Shillong, Jylliew 29: Ka ophis jong ka Hollaidonga Range forest office kaba hap hapoh ka West & South-West Garo Hills (Territorial) Division ka la pynpra ia saw tylli ki kharkhana ot dieng ki bym ioh jingbit kiba treikam ha ki thain Chibinang-Bolarbita bad Selsella.
Ia ki jingkhynra la pynlong ha ka 23 bad 29 tarik u Jylliew hadien ka jingtip ba tikna halor ki jingtreikam ba beain jong ki karkhana ot dieng, kaba la wanrah ia ka jingpynjulor kaba khraw ia ka mariang ha katei ka thain.
Ia lai tylli ki karkhana ot dieng la pynpra noh ha Chibinang-Bolarbita, katba kawei pat ha Selsella.
U DFO (Territorial), West & South-West Garo Hills, u Rupankar K Marak, u la ong ba ki forest team (kynhun khlaw) ki la pynlong ia ka jingkhynra kynsan ha ki jaka ba la shah ktah, kaba la pynlong ia ki unit ba beain ban khang noh mardor.
Ha ki jingkhynra, ka kynhun ka la lap ïa ki karkhana ot dieng kiba dang shu buh thymmai kiba ïaid hapoh ki phyllaw ba la shna kyrpang bad ki la pynpra ïa ki jingtei jong ki, kynthup ïa ki heavy-duty bandsaw assemblies bad ki tyre kali.
Ka tnad ka la kurup lai tylli ki mashin ot dieng kiba pura ryngkat bad ki tiar ba la pyndap — kawei ka motor elektrik, kawei ka platform, bad kawei ka kali.
U Marak u la ong ba ka tnad ka dang lum jingtip na ki tyllong kiba bun shaphang kiwei pat ki karkhana ot dieng kiba la seng beain ha kylleng ka distrik bad kan bteng ban khynra da kaba tyngeh ban tehlakam ia ki jingpynkhein kiba iadei bad ki dieng.
Ka tnad khlaw ka la pynpaw biang ia ka jingkular jong ka ban iada ia ki marpoh khyndew bad ban shim khia da ka ain pyrshah ia kito kiba donkti ha ka jingpom dieng beain bad ki kam ot dieng khlem jingbit.
 Division ka la pynpra ia saw tylli ki kharkhana ot dieng ki bym ioh jingbit kiba treikam ha ki thain Chibinang-Bolarbita bad Selsella.){kind=link}