Nongstoiñ, Naiwieng 17: U Superintendent of Police ka West Khasi Hills hynne ka sngi palei, ula bthah ia ki Pulit ka Nongstoin, ba kin pynphai noh ia baroh ki lama bala knieh na ki Nongialam bad ki Dkhot ka seng Hyn niewtrep Youth Council (HYC) dang shen na Rambrai.
Kane ka jingbthah kala mih hadien ba ki Nongialam bad ki Dkhot ka HYC hapoh ka jingialam jong u President ka West Khasi Hills samla Lumlang Kharsyiemlieh, kila leit tur paidbah sha ka Ophisune u Heh Pulit ka District ban dawa pynphai ia ki lama.
Ka dei ha ka 9 tarik Naiwieng, ba ki Pulit kila knieh ia ki lama jong ka seng HYC kiba pyrshang ban khang lynti ia ka jingleit plie C&RD Block u Myntri Rangbah ka Jylla Conrad K Sangma ha Rambrai.
Ki Nongialam bad ki Dkhot ka HYC kila iamih paidbah ha kane ka sngi ryngkat ki jingthoh ba dawa ia u Myntri Rangbah ka Jylla ban pyntreikam noh ia ki khyndai tylli ki mat jingdawa jong ki kynhun Sengbhalang ba iakhih ia ka “Save Hynniewtrep Mission”
Haba kren bad ki nongthoh khubor, u samla Lumlang u la ong ba ka seng kam don kano kano ka jingpyrshah їa ki pulit, hynrei lada ki dkhot ka seng ki mih madan ban dawa na ka sorkar їa ki mat ba ka jaitbynriew ka donkam, ki pulit kim dei ban ai ding ne pynbitar їa ka seng.
U la ong ruh ba ka jingshah ktah kti bad ka jingmynsaw ba malu mala jong ki dkhot ka seng ha ka jingїaknieh lama ha Rambrai ka long pynban ka jingkyrkhu їa ka seng.
