Nongstoin, Nailur 07 : Ka Khasi Students Union-Nongstoin Circle hynne ka sngi Palei, kala behkrad ia ki 21 ngut ki bar jylla ba kin leit phai shala shnong namar ka jingwan rung be-ain khlem kot khlem sla ban wan bylla ha ka thain.
Kine ki bar jylla ki dei kiba thmu ban wan trei bylla ha ka Dhar Kompani kaba shna ia ka surok Nongstoin-Maweit.
Ka KSU haba ioh jingtip ia ka jingwan kine ki bar Jylla, kala leit ban talasi ia ki kot ki sla bad haba shem ba kim don satia ia ki labour licence bad kiwei kiwei ki kot ba donkam, ka seng kala beh ia ki ban leit phai shala ka jong ka Shnong.
Ka Seng kala ong ba kine ki bar jylla kila pynkhreh ia ka ain Interstate Migrants Workmen ( Regulation of Employment and Condition of Service ) act. 2011.
Ka KSU-Nongstoin kala pynkynmaw biang ia ki contractor ba hashuwa ba kin wan ialam ia ki nongbylla bar jylla ba kin pyntrei ia ki kam jong ki, ki dei ban pynbiang shuwa ia ki kot ki sla kiba donam bad ruh ban shim ia ka jingkhlieh ym ban shu ailad ba kin wan trei beain ne kamai beain.
Ka KSU kala pyntip b aka jingkhynra ia ki nongbylla bar jylla ba rung beain kan dang iai bteng hapoh ka thain.
