Shillong, Jylliew 24: Hynne ka sngi kala don ka jingïakren ha ka wat ka baar hapdeng ka kynhun kieng atiar Hynñiewtrep National Liberation Council (HNLC), ka sorkar jylla bad ka sorkar pdeng bad katei ka jingiakren kala long ha Guest House jong ka Meghalaya Energy Corporation Limited (MeECL) kaba don ha Umiam, Ri Bhoi District.
Ha katei ka jingiakren la wan ban iashimbynta da ki 7 ngut ki dkhot ka HNLC ryngkat bad u ksiang jongki u bah Sadon Blah, katba na ka liang ka sorkar jylla la mihkhmat da u bah P.S Dkhar uba long u Ksiang, u Majistor Bah R. Wahlang bad naka liang ka Sorkar Pdeng la mihkhmat da u IPS ophisar ba la shongthait u A.K Mishra.
U Bah Sadon Blah haba iakren bad ki nongthoh khubor, ula iathuh ba ka jingiakynduh jong ki lai kynhun mynta ka sngi kadei naka bynta ban pyrkhat iaki kam ba kyrkieh hashuwa ban sdang noh ka jingiakren iasuk, kata daka ba map noh ia ki Case ba la Chargesheet pyrshah iaki dkhot ka HNLC.
Ula ong, ba hashuwa ban sdang ka jingiakren iasuk hapdeng baroh 3 ki kynhun, ka sorkar ka donkam ban pdiang da ka mynsiem kata da kaba plie jingkhang iaki dkhot ka seng HNLC ban wan sha ka miej iakren iasuk da kaba weng noh ia baroh ki Case bad ki jingujor kam sniew pyrshah ia ka HNLC.
“Haka jingiakren mynta ka sngi ka HNLC ka khlem buh ia ki jingdawa lane ki Agenda hynrei kala buh bad kala pynpaw ba kan ap ia ka jingplie shwa ia ka jingkhang bad kata kadei ba ka sorkar kadei ban weng shwa ia baroh ki Case pyrshah iaki dkhot ka HNLC” ong u Bah Sadon.
Katba u Vice Chairman ka HNLC u bah Manbhalang Jyrwa ula iathuh ba ka jingiakynduh ki lai kynhun mynta ka sngi ka long kaba seisoh namar naka liang ka sorkar ruh ka long kaba bha bad kaba ai mynsiem ia ki ban dang bteng ia ka jingiakren iasuk.
“Ka jingialang mynta ka sngi ka long kaba seisoh bad ngi sngewnguh ia ki Ksiang jong ka sorkar jylla bad ka sorkar pdeng kiba la don bynta lang ha kane ka jingïalang” la pynkut u Bah Manbhalang.
Pule ruh: Mynjur ka KHADC iaka Resolution ban pyrshah iaka UCC
, ka sorkar jylla bad ka sorkar pdeng bad katei ka jingiakren kala long ha Guest House jong ka Meghalaya Energy Corporation Limited (MeECL) kaba don ha Umiam, Ri Bhoi District.){kind=link}