Shillong, Naiwieng 07 : Ka Iingkashari Additional District & Session Judge, East Khasi Hills, kala pynngat ha ka kyndon pynsajia (convict) ia u President ka Hynniewtrep National Youth Movement (HNYM) Bah Loius Dohtdong, halor ka kam pyniap briew ha sor Shillong.
Ka Iingkashari kala pynbna ia kane ka rai haba shong bishar ia ka mukotduma hynnin ka sngi Balang hynrei ia ka hukum, la pyntip ba yn sa pynmih ha ka sngi Nyngkong ka ban batai ruh ia ka jingpynsajia ia u Bah Loius lem bad uwei pat uba iadonkti lang.
Kumban shu pynkynmaw, u Bah Loius Dohtdong bad uwei pat, kila shah kem halor ka jingdonkti ban pyniap ia uwei u samla na Mawlai ha Parking Lot ka Them Iew Mawlong. Kane ka jingjia kala jia ha u bnai Lber 2010.
Une u samla ba shah pyniap u dei u Nongialam ka seng Khasi Students’ Union (KSU) samla Rijied Kurkalang, uba ioh pyniaid ia ka Parking Lot ha katei ka jaka.
Ka khubor ba dang shu ioh ka iathuh ba ki Pulit kila kem noh hynne ka janmiet ia u bah Loius Dohtdong lem bad ia uwei pat uba donkti lang.
 ia u President ka Hynniewtrep National Youth Movement (HNYM) Bah Loius Dohtdong, halor ka kam pyniap briew ha sor Shillong.){kind=link}