Nongstoiñ, Rymphang 6: U District Election Officer (DEO) jong ka West Khasi Hills bah Garod LSN Dykes IAS u la pyntip ba kum shi bynta ban khang ïa ka jingpynkheiñ ïa ka Model Code of Conduct (MCC) ha ka por Election, ka cVIGIL mobile app ka dei kawei na ki rukom ban ioh ban peit bniah ïa kine ki kam beaiñ.
Ban pyndonkam ïa ka cVIGIL mobile app, u la kyntu ban bud ia kine ki jingbthah da kaba Download ïa ka cVIGIL mobile app na ka Google Playstore lane Apple Store, click bad upload ïa ka dur lane video, ban pyntip ïa kino kino ki kam beaiñ ba ïadei bad ka election hapoh khyndiat minute haba ïohi bad ki Flying Squad kin sa leit ban tohkit ïa kane mar mar.
