Shillong, Rymphang 20: Ka Deputy Commissioner jong ka East Khasi Hills hynne ka sngi Baar, kala pynmih ia ka jing pynbna paidbah bad kyntu ia baroh ki nongshong shnong ba kidei ban long kiba phikir bha ha kane ka aiom ba jur lyer ban lait na kano kano ka jingjia ba sngewsih.
“Ki paidbah kidei ban long kiba phikir ha ka por ba jur ka lyer ban lait na kino kino ki jingmynsaw khamtam ha kaba iadei bad ka jingpluh ding bad ruh ban peit bha ia ki wire tan ding elektrik ha iing. Khmih bad pynskhem bha ia ki tiar ki tar kiba lah ban shah rong ha ka lyer kum ki thup dieng, ki tin sop lane mawit ba shong synjor, ki tin/ sop theh nuit, ki sign board bad kiwei kiwei ki mar kiba lah ban shah rong ha ka por ba jur lyer” kyntu ka DC .
“Lada ka jingba leilieh ka long kaba jur bad neh slem kan bha shibun ban nym pyndonkam ne ban pynmeh ia ki tiar elektrik kum ki mobile, isteri, radio, telebision bad kiwei kiwei ki tiar kiba pyndonkam da ka bor elektrik” la pynkut ka DC.
