Shillong, Nailar 05: Ka Deputy Commissioner bad Chairperson ka District Disaster Management Authority (DDMA) ka East Khasi Hills, kala kyntu ia ki paidbah ba kin kiar na ki jingleit jingwan ki bym donkam sha ki thain Pynursla bad ki jaka ba marjan ha ka por lyiur.
Kala ong ba ka jingther u slap uba jur bad ka jingduh lyoh khyndew, ka buh ha ka jingma kaba khraw ha ki jingjia aksiden kali bad ka jingtwa khyndew ba man ka por khamtam ha shilynter ka surok Shillong-Pynursla.
Ia kane ka jingkyntu la pynmih hadien ka jingjia aksiden ba jia ha ka miet sngi U Blei kaba la shim jyndat ia ka mynsiem ki 5 ngut ki briew kiba dei na kajuh ka longiing. Kine ki briew kila iap hadien ba ka kali ba ki shong kala hap shapoh ka riat Rngain.
La kyntu ruh ia ki paidbah ba kin kiar ban leit ban wan sha ki jaka jong ka thain khlem da donkam eh, lada donkam shisha ban leit, ki paidbah ki dei ban leit da kaba phikir bha ialade bad daka jingtip khamtam halor ka jinglong jingman ka suinbneng.
La kyrpad ïa ki paidbah ba kin bud ryntih ïa ki jingbthah \bad ki jingmaham ba la pynmih da SDO (C) Pynursla and DDMA, East Khasi Hills bad ban phone ha u number 112 lada jia ba donkam jingiarap kyrkieh.
 ka East Khasi Hills, kala kyntu ia ki paidbah ba kin kiar na ki jingleit jingwan ki bym donkam sha ki thain Pynursla bad ki jaka ba marjan ha ka por lyiur.){kind=link}