Shillong, Rymphang 27 : U Myntri ka Koit ka Khiah Wailadmiki Shylla ula pyntip ia ka Iingdorbar Thaw Ain ha ka sngi Thohdieng, ba ka jingsiew ba palat T.11.36 klur la siew hapoh ka Megha Health Insurance Scheme (MHIS) ban sumar dialysis.
U iathuh ba ka Tnad ka pyrshah katba lah ban pynkhlain ia ka jingshakri, haba pynpaw ba ka jingsumar dialysis ruh lah dep kynthup lang hapoh ka MHIS.
Kane ka jubab kala mih hadien ba ka jingsngewkhia u Nongialam ka VPP Ardent Basaiawmoit, ba bun ki nongpang kiba wan na ki longiing ba duk, la pynbor ba kin leit sumar sha ki jaka sumar shimet.
“Ngim lah ban khmih lynti ia ki nongpang ba duk ba kin leit sumar ha ki hospital shimet” ong u bah Ardent haba kyntu ia ka Sorkar ban buh ia ki Nephrologist.
U Bah Wailad u pyntip ba ki District Hospital ka Sorkar ki shim T.3000 man ba leh ia ka dialysis, kaba ka jinglut lah pynhap hapoh ka MHIS bad ki hospital shimet ruh lah pynrung lang ha ka MHIS.
“Ki doktor medicine kila khmih ia kane ka jingsumar ha ka jaka ki nephrologist” ula ong haba bynrap ba tang uwei u nephrologist u don ha ka Jylla namar ka jingduna kiba aplai.
Haba u Nongialam ka Liang Pyrshah Mukul Sangma ula ban jur ia ka jingkdup ka MHIS ia kiwei ki jingpang, u Bah Wailad ula pynpaw ba ka Sorkar kan sa wad ia ki lad ki lynti ban lah pynlong ia ki jingai jingsumar kiba lah ban siew.
Halor ka jingslem, ula ong ba ka jingdon ki nongpang kala kiew bha bad ka Tnad kala pyrshang ban pynbun ia ki machine bad ki technician.
Ka Jylla mynta ka don 54 tylli ki dialysis machine ha East Khasi Hills-12 tylli ha Shillong Civil Hospital (10 kiba treikam) bad 42 tylli ha ki hospital shimet.
U Bah Wailad ula pynbna ia ka jingthmu ban pynbun ia ki dialysis unit ha kiwei ruh ki district hospital bad sha ki CHC.
 ban sumar dialysis.){kind=link}