Shillong, Nohprah 11: Ka National People’s Youth Front (NPYF), North Shillong Unit ryngkat ka jingiatreilang bad ka Ai jingim Voluntary Donors’ Organisation, haka sngi Saitjaiñ kila pynlong iaka Blood Donation Camp ha Shillong Pasture Institute, Lawmali.
Ia kane ka jingnoh synniang iaka snam la ialam da u kyrtong ka National People’s Party (NPP) jongka North Shillong Constituency u Bah Ransom Sutnga uba la noh synniang nyngkong eh ia la ka snam ha katei ka prokram bad kila don baroh 60 ngut kiba la noh synniang iala ka snam khnang ba kan long ka jingmyntoi naka bynta kito ki nongpang kiba don kyrkieh iaka snam.
Lah ban kdew, ba ia ka Ai Jingim Voluntary Blood Donors’ Organisation la seng ha usnem 2006 bad haduh mynta kane ka kynhun kala dep ban noh synniang iaka snam haduh 1012 Unit bad kala pynlong ruh iaka Blood Donation Camp haduh 45 sien bad ka jingpyn sngewthuh paidbah haduh 40 sien.
Kane ka kynhun ka don 212 ngut ki dkhot kiba kynthup ia 62 ngut ki kynthei bad 160 ngut ki shynrang kiba ju leit noh synniang iala ka snam.
