Shillong, Risaw 04 : Ka BCCI National Crikcet Acedemy (NCA) kala pynlong ia ka Practical Assesment ia ki Nongioh jing hikai pyntbit ka Meghalaya Cricket Association (MCA) ha ka Hybrid Level 1 Coach Course hangne ha Nongbah Shillong hynnin ka sngi nyngkong.
Kane ka jinghikai pyntbit bala pynlong ha madan ialehkai cricket ka MCA, la pyniaid da u Head of education ka NCA Sujith Somasundar, Master Faculty Apurva Desai bad u Faculty member M Sanjay.
U Dkhot ka MCA Technical Committee (Treasurer barim) Saibal Dasgupta ula iadonlang ban plie ia kane ka jingai jinghikai pyntbit bad ban pynkup burom ia ki nonghikai ka NCA (Faculty).
Haduh 16 ngut ki nongshah hikai (trainees) kila iashimbynta ha kane ka jinghikai pyntbit kiba wan na kylleng ki District Association bala iasoh bad ka MCA. Ia ka result la khmih lynti ba kan mih hashuwa ban kut une u bnai.
Kane ka practical assessment ka dei shibynta jong ka Level 1 coach course eksam, kaba hap ban pynlong hadien ka online theory assessment, kaba la pynlong naduh ka 25 haduh ka 30 tarik Risaw jong u snem ba la lah.
Ki Nonghikai pyntbit nanMeghalaya:
Eugene K Kharsyntiew, Laxman Chettri, Pahara Mukhim, Mackie D Blah, Overjoy Lyngkhoi, Ashish Dasgupta, Hemant Roy, Roof Raja Nongsiej, Lek Bahadur, Yoohimiootre Patweth, Md Junaid, Banteibor Lyngdoh, Bhakupar Mylliemngap, Mark A Laloo, ML Marty, Monoronjon Momin.
