Shillong, Nohprah 06: Ka Meghalaya State Watershed and Wasteland Development Agency (MSWWDA) hapoh jongka tnad Soil & Water Conservation hynne ka sngi Balang, kala pynlong ia ka Self Help Group (SHG) Mela ha State Central Library Shillong.
Ia katei ka SHG Mela la pynlong lyngba jong ka Pradhan Mantri Krishi Sinchayee Yojana (PMKSY) Watershed Development Component (WDC) 2.0 ha kaba u Marcuise N Marak, u MyntriSorkar uba khmih ia ka Soil & Water Conservation ula long kum u kongsan.
Haba kren ha ka jingialang u Marcuise N Marak ula ong ba ka Self Help Group Mela ka long kum ka rynsan ha kaba la iohsngew ia ki khana jop jong ka jingpyntreikam iaka PMKSY. Ki dukan bad ki jingpyninam ki long ki sakhi ia ka jingtrei shitom jong ki nongrep bad ki Self Help Group.
Ula ong, ba kam dei eh tang ka jingai jingiarap da ka song tyngka hynrei ka khambun ka jingpynheh pynsan ha kaban ieng ha la ki jong ki kjat, ban pynshlur ban seng kam lajong bad ban tei ia ka imlang sahlang kaba khlaiñ bad kaban iai neh.
U Myntri Sorkar ula kyntu ia baroh ba kin iengskhem ha kaban shim iaka jingkitkhlieh ha ka nongrim ban kamai kaba iahap bad kane ka juk bad ka pateng ban wan, ban pynneh pynsah bad iada ia ka um ka wah bad ka imlang sahlang kaban pdiang ia ki kam pynroi.
Kila don palat 69 tylli ki dukan kiba la buh da ki SHG na kylleng ki bynta jong ka jylla Meghalaya ha kaba kila pyninam ia ki mar bad ia kitiar ki tar kiba kila shna hi, ki jingbam, ki ashar, ka ngap, ki jhur ki jhep, ki tiarkiba la thaiñ da ki kti bad kiwei kiwei.
 hapoh jongka tnad Soil & Water Conservation hynne ka sngi Balang, kala pynlong ia ka Self Help Group (SHG) Mela ha State CentralLibrary Shillong.){kind=link}