Shillong, Iaiong 10: Ka Meghalaya Cricket Association kala pynbna ia ka kyrteng jong ki 21 ngut ki nongialehkai Cricket kiban iashimbynta ha ka Final Selection-cum-Preparatory Camp kaban sdang naduh ka 12 haduh ka 18 tarik u Iaiong.
Ia kane ka camp la pynlong na ka bynta ban jied ia ka kynhun kaban mihkhmat ia ka jylla ha ka 1st North East Little Master’s Trophy 2025, kaban long ha Guwahati naduh ka 19 tarik u Iaiong.
Kane ka jingiakob ialehkai kadei na ka bynta ki shynrang kiba hapoh ka 14 snem ka rta ne U-14 bad ia kane ka jingpynkhreh jongka jylla yn pynlong ha Madan Nongkhrah, Ri-Bhoi. Ia kitei ki nongialehkai la jied lyngba ka Preliminary Trials kaba la long ha Shillong bad Tura ha ka 8-10 u Iaiong.
Kiba shah jied kin mih ban leit sha Nongkhrah ha ka 11 tarik u Iaiong. Ki nongialehkai bad ki Support Staff na Khasi-Jaintia Hills kin wan ban pyntip ha Madan Polo, Shillong ha ka 11 tarik u Iaiong ha ka por 1:30 mynsngi, katba ki nongialehkai na rilum Garo kin wan ban ai jingtip beit ha madan Nongkhrah ha katei ka sngi hi.
Nalor kane, ki nongialehkai kiba la shah jied kidei ruh ban wanrah ia ka kopi jongka Birth Certificate, Aadhaar Card bad 3 snem ki Mark Sheet ki jongki bad dei ban pynpoi ia kine ha ka ophis jong ka MCA ha lane shwa ka 12 tarik u Iaiong.
Ki nongialehkai kiba la shah jied ki kynthup ia u Sahil R Marak, Rimsrukang Ch Momin, Steve Rayan R Marak, Anurup Paul, Janggo K Marak, Tuesdream Rabha, Donsrang Chubat Sangma, Teibankhraw Mukhim, Calvin P Syngkli, Subot Kapri, Melvin Basil Warjri, Aditya Singh, Abhinav Khanal, Ashwin Shah, Jagrit Thakur, Aryan Sunar, Ayush Sangma, Abdulla Pathaw, Iaisanbha Khongji, Bansan Shaphrang Kynter bad u Mebanlambha Lyngshiang.
Ki Support Staff ki kynthup ia u Synrapsing Riatham (head coach), Eugene K Kharsyntiew (assistant coach), Hamboy Langbang (physio), Skhembor Khongbtep (trainer) bad Prewindson Sangma (manager).
Cricket
