Shillong, Nohprah 03: Ka Meghalaya Adventurers Assocaition (MAA), kala lah ban pynlong ha ka sien ba nyngkong eh ia ka mock drill ban ai jingiarap ia ki briew ba sahkut sha ki krem ki kroh (Cave Rescue Mock Drill) myn ha ka 12 tarik Naiwieng, 2023 hapoh ka Krem Mawmluh.
Ka MAA kala pynlong ia kane ka mock drill hadien ka jingioh ia ka Certified Cave Single Rope Technique, Cave Leadership bad Cave Rescue Training ha UK bad Republic of Ireland hapdeng u bnai Naitung-Nailar 2023, da ki hynniew ngut ki dkhot ka Meghalaya Adventurers Assocaition (MAA), bala bei tyngka da ka Sorkar Meghalaya.
Namar ka jingnang kiew bad jingsngewtynnad ki briew ha ka kam rung krem bad wad jingtip shaphang ki krem, ki jingjia aksiden hapoh ki krem ka dei ka bym lah satia ban shu phai lyndet. Kan poi ka por ba kin mih kino kino ki jingjia ki bym lah ban batai, ong u Bah Brian D Kharpran Daly, Secretary ka MAA ha ka kyrwoh ba phah ha ka sngi Saitjain.
“Ka Association ka sngew ba ka don ia ka jingbahkhlieh ban khmih bad shimkhia ia kum kine ki jingjia lada dei ba ki wan jia. Da kane ka jingmut jingpyrkhat, ka Association kala pynkhreh ialade ban leh ia kaba donkam ha kum kine ki khep. Kumta, ka jingkongsan jong kane ka Cave Rescue Mock Drill kaba dei ruh ka sien ba nyngkong eh bala leh ha India, ka dei kaba kongsan palat” ula ong.
Ka MAA kala pynlong ruh ia ka mock drill exercise ha Mawmluh Cement Plant ba pyni ia ka jinghiar krem ki 21 ngut ki dkhot ban iarap ia ki briew kiba sahkut shapoh krem.
Ia kane ka exercise la khmih da u Robin Sheen, u dkhot ka Irish Case Rescue Organisation, Ireland, uba la pynpaw ia ka jingsngewtynnad ban iohi ia ka jingtbit jong ki 21 ngut ki dkhot ka kynhun MAA kiba iashimbynta.
, kala lah ban pynlong ha ka sien ba nyngkong eh ia ka mock drill ban ai jingiarap ia ki briew ba sahkut sha ki krem ki kroh (Cave Rescue Mock Drill) myn ha ka 12 tarik Naiwieng, 2023 hapoh ka Krem Mawmluh.){kind=link}