Shillong, March 25: Ka 170 Bn ka BSF Meghalaya Frontier hynne ka sngi, kala pynlong ia ka jingai jingsumar ei ia ki paidbah ha Mahadev High School, South West Khasi Hills.
Ha ka jingai jingsumar ei bun ngut ki nongshong shnong kila wan ban ioh iaka jingsumar bad jingshah khmih bniah ha ki doctor jong ka BSF bad kila ioh ei ruh ia ki dawai dashin.
Nalor ka jingai jingsumar ei, ki BSF kila sam ruh ia ki tiar skul, tiar ialehkai bad ki tiar iing tiar sem sha ki nongshong shnong ka thain khappud khnang ba kin ioh ban pyndonkam.
Shuh shuh ki shipai BSF k 193 bn kila pynlong iaka prokram na ka bynta ka shnong Karaigora, Chikanbari bad Bholabeta kiba hap ha South West Khasi Hills, ha kaba kila sam ia ki tiar shet, tiar ialehkai, computer bad kiwei kiwei sha ki nongshong shnong ha kitei ki thain.
Kane ka jingai jingiarap ki BSF kadei ka kam kaba kila ioh jingiaroh na ki paid nongshong shnong bad kila pynpaw ruh iaka jingkmen bad jingsngewnguh ia ki kam ba bha jong ki BSF.
