Shillong, Nohprah 08: Ka kynhun ialehkai ki Kynthei jong ka Shillong Cricket Academy kala pynrem ia ka St Anthony’s Academy da 3 wicket ha ka U-19 Girls Cricket Tournament 2024 kaba la long ha Don Bosco Mini Stadium ha ka sngi Saitjaiñ.
Ka St Anthony’s kala jied ban tied nyngkong ha ka jingialehkai T20, ka Adelakmen bad ka Isha kila ialehkai ban pynneh slem ia lade hynrei kila khyllem noh lyngba ka ‘Run Out’ bad kila ia kamai tang 15 run.
Ka Dawanshisa kala kamai 8 run bad ka Eliza kala kamai 17 run bad kine kila iarap ia ka kynhun ban kamai 109 run bad hap lut ki nongtied ha ka 19.4 over.
Ka Dawanshisha kala ioh khur ruh 3 wiket haba kala leit kawang bol, hynrei namar ka jingkhlain bad ka jinglah ban neh slem ki nongtied kiba mih shakhmat jong ka Shillong Cricket Academy, ka Lasusa kala kamai 16 run bad ka Leeney kala kamai 18 run kila iarap ha kaban pynjop ia kak ynhun ha ka over kaba 18.
Ka jingialehkai ia ka semi finala ka baar ha ka U-14 boys’ hapdeng ka Team A bad Team B jong ka St Anthony’s Cricket Academy kan long ha ka sngi Nyngkong.
Ia katei ka jingiakhun la dei ban pynlong ha ka sngi Saitjain hynrei la hap ban pynsangeh noh namar ka jingbym biang ka bording elektrik.
Ka Shillong Cricket Academy A kala jop ia ka semi final kaba nyngkong da kaba pynrem ia ka Team B.
ha kane ka jingiakob ialehkai cricket la wan iashimbynta da 6 tylli ki kynhun jong ki shynrang bad 2 tylli ki kynhun jong ki kynthei na kylleng ki jaka pule jong ka nongbah Shillong kiba kynthup ia ka Shillong Cricket Academy ha Lawsohtun, St Anthony’s Cricket Academy, Nongthymmai Cricket Coaching Centre bad the East Khasi Hills Cricket Association Academy.
