Nongpoh, Lber 02: Hashwa ba ki samla kiba la pynkhreh ban ïaleh ïa ka eksam SSLC bad HSSLC jong u snem 2024, ka Nongpoh Block Congress Committee (NBCC), ha ka sngi Thohdieng, kala kitbok kitrwiang ïa baroh ki khun samla kiba la pynkhreh bha baroh shi snem naka bynta kitei ki eksamin.
U President ka NBCC Bah Shall Wist Mallai ha ka jingïadon lang u samla Antonio Lapang, President ka Nongpoh Assembly Youth Congress lem bad u samla Donbok Kharshandi u Secretary ka NBCC kila kitbok ïa baroh ki khun samla kynthei bad shynrang kiba la pynkhreh baroh shi snem ban ïa khun ïaka Matrik ka ban sa sdang haka 4 tarik mynta u bnai bad kumjuh ruh ïaki samla ki dang ïaleh ïaka eksam klas 12 kaba dang ïai shaid shaid.
U Bah Mallai ula kyntu ïaki khun samla ba kin pynleit jingmut bha ha ka jingpule ka jong ki khnang ba kaei kaba kila pynkhreh baroh shi snem kan nym long lehnoh ei.
Ula pynpaw ruh ïaka jingkyrmen kaba skhem ba baroh ki samla kiba la ïa treishitom ban pynkhreh miet la bad sngi naka bynta kine ki eksamin kin ïoh ïa u soh uba thiang ynda naka liang ka Board kan pynmih ïaki result.
, ha ka sngi Thohdieng, kala kitbok kitrwiang ïa baroh ki khun samla kiba la pynkhreh bha baroh shi snem naka bynta kitei ki eksamin.){kind=link}