Shillong, Rymphang 10 : Ka North Eastern Council (NEC) kala pynlait ia ka song pisa ba T.5,69,53,000 sha ki project kam pynroi bapher bapher ha Meghalaya ha u bnai Kyllalyngkot 2026.
Ki project ki kynthup ia ka jingshna iing skul, kyrshan ban thied tiar sumar nongpang, bad ki jingshna ia ki jingtei.
Ka pisa bala ai ki kynthup ia ka jingshna ia ka Iingskul ka RKM, Nongjngi Nartiang, kyrshan ban thied ia ka 1.5T MRI Machine ha Tura Civil Hospital, ka jingshna ia ka skul RKM ha Sohra, bad ka jingshna ia ka Williamson Sangma State Museum ha Shillong.
Nalor kane, hapoh ka NESIDS (Roads), ka NEC kala pynlait ia ka song ba T.3.91 klur ban kyrshan ia ka jingshna ia ki surok ba pyniasoh ia ki shnong ha Jylla.
Kane ka pisa ka kynthup ia ka jingshna ia ka surok na sor Shillong sha Umroi Airport, ka ban ai jingmyntoi ia kumba 7287 ngut ki nongshongshnong bad 10 tylli ki Shnong.
Ka NEC kala pynlait haduh T.81,50,78,461 baroh lang ha baroh ki Jylla ka thain Shatei Lam Mihngi ha u Kyllalyngkot 2026.
 kala pynlait ia ka song pisa ba T.5,69,53,000 sha ki project kam pynroi bapher bapher ha Meghalaya ha u bnai Kyllalyngkot 2026.){kind=link}