Shillong, Nohprah 09 : Ka North Eastern Council (NEC), hapoh ka Ministry of Development of North Eastern Region (DoNER), kala pynlait ia ka song pisa ba T.8,46,81,382 ha u bnai Naiwieng ban pyntrei ia ki kam pynroi bapher bapher ha Meghalaya.
Kane ka song pisa kan kyrshan ia ki kam ban tei ia ki madan ialehkai, ka jingshna jingkieng, ki jaka ai jinghikai ia ka Skill & Technical Education, ban pynkhlain ia ki lad pyniasoh, ka kabu ban kamai bad kiwei kiwei.
La pyntip ruh ba ia ka Commercial Complex bala tei ha Barik Point, Shillong ha ka jinglut ba T.22.73 klur lah dep ban pyndep ha ka 11 tarik Naiwieng 2025.
Kane ka project bala pyntrei da ka Meghalaya Industrial Development Corporation Ltd, ka thmu ban pynkylla ia kane ka jaka sha ka iew ba shit rhem ha ka jingdie ia ki mar Khasi bad Village Industries (KVI).
Ka NEC kala pynlait ruh ia ka song pisa ba kot T. 56,22,37,739 baroh lang sha ki project ha kylleng ki 8 tylli ki Jylla ka thain Shatei Lam Mihngi ha Ri ha une u bnai Naiwieng 2025.
Kane ka song pisa kan kyrshan ia ki tamasa kolshor, seminar, jingwadbniah, ki kam pynroi bad kiwei kiwei.
Nalor kane, ka NEC kala pynlait ruh ia ka song pisa ba T. 14,89,90,034 sha ki Central Agency bad Cultural Bodies, ban kyrshan ia ki tamasa kum ka Purvottar Hindi Samagam, Lamka Youth Summit, North East Riders Meet bad ka workshop halor ka jingkylla suinbneng bad kiwei kiwei.
, hapoh ka Ministry of Development of North Eastern Region (DoNER), kala pynlait ia ka song pisa ba T.8,46,81,382 ha u bnai Naiwieng ban pyntrei ia ki kam pynroi bapher bapher ha Meghalaya.){kind=link}