Shillong, Lber 11: U Myntri Rangbah ka Jylla Conrad K Sangma ha ka sngi Balang, ula pynbna ban pynkynriah shuwa ia ka elekshon Garo Hills Autonomous District Council (GHADC) khlem ka jingbuh por, haba mynjur “ia ka jingsngew u paidbah” hapdeng ka jingiakynad kaba lam sha ka jingiap arngut ki briew bad hap ban pynjari korphiw ha West Garo Hills.
“Haba buh ia ka jinglong jingman ba long mynta ha ri-lum Garo bad haba buh hakhmat ia ka jingsngew u paidbah, ka Sorkar Meghalaya kala rai ban pynkynriah shuwa ia ka elekshon GHADC” ong u Conrad ha ka kyrwoh bala pynlait da ka durkhih (video).
“Ngin sa iashong bad ngin sa shim rai ba kumno ngin pyniaid shakhmat ia kane kam. Haduh kata ka por, ka rai kaba la shim ka long ban pynkynriah shuwa ia ka elekshon” ula ong.
Ia kane ka rai la shim tang shisngi hadien ba ka Iingkashari Meghalaya High Court kala pynduh ia ka jingpynbna ka GHADC ba pynlong kongsan ia ka syrnot Scheduled Tribe (ST) na ka bynta ki kyrtong, ka jingpynbor ki sengbhalang pyrshah ia ka jingiashimbynta ki bar jylla ha ka elekshon bad ka jingpynjlan u DC ka WGH ia ka korphiw sa arsngi.
Ka Meghalaya Board of School Education (MBoSE) ruh kala pynsangeh shuwa ia ka eksam SSLC jong ka sngi Balang bad sngi Palei ha ka District.
 khlem ka jingbuh por, haba mynjur “ia ka jingsngew u paidbah” hapdeng ka jingiakynad kaba lam sha ka jingiap arngut ki briew bad hap ban pynjari korphiw ha West Garo Hills.){kind=link}