Shillong, K’Lyngkot 09: Kum shi bynta ban pynkhreh iaka ilekshon 2023, ka Sorkar Jylla hynne ka sngi kala pynkynriah kam haduh 10 ngut ki heh Pulit IPS bad kiwei kiwei de ki heh Pulit MPS ophisar.
Ha kane ka jingpynkynriah kam, ka sorkar kala thung ia u IPS Dr. Raghavendra Kumar MG kum u Superintendent of Police (SP) ka East Khasi Hills District katba ia u bah Sylverster Nongtnger la thung kum u SP ka F&ES, Shillong.
Ia u SP ka West Khasi Hills bah Herbert G Lyngdoh la thung kum u SP ka tnat Anti-Infiltration Directorate bad ia u SP City ka EKH bah Vivek Syiem la thung kum u Assistant Inspector General (L&O).
Ia u Chief Security Officer ka tnat MePDCL u bah Nangkiew K Syiem la thung kum u Assistant Inspector General of Police (R) bad ia u SP ka F&ES Spill Thamar la thung thymmai kum u Chief Security Officer, ia u Darwin M Sangma la thung thymmai kum u SP ka West Khasi Hills bad ia u SP ka tnat Anti-Infiltration Directorate Ringrang TG Momin la thung kum u SP (City), Shillong.
Ia u bah Pherbak Singh Marwein u ba bat kum u Assistant Commandant 1st MLP Battalion Mawiong la thung kum u Sub-Divisional Police Officer ka Mawshynrut West Khasi Hills.
Ia u bah Pynhunlang Manik Syiem u ba bat kum u Deputy Superintendent of Police (Security Wing), SB, Shillong la thung kum u Sub Divisional Police Officer, Sohra, East Khasi Hills.
