Shillong, K’Lyngkot 29: Ka Sorkar Meghalaya ka la rai ban pynkynriah noh ia ka Meghalaya Spice Festival kaba thmu ban pynlong naduh ka 30 tarik Kyllalyngkot haduh 1 tarik Rymphang 2026, ha Jio World Drive, Mumbai, Maharashtra.
Kane ka jingpynsangeh shwa shipor iaka Meghalaya Spice Festival kadei namar ka jingkhlad kyndit jong u Ajit Pawar, Symbud Myntri Rangbah ka Maharashtra.
Ia kane ka rai la shim kum ka dak jong ka jingburom ha kane por sngewsih kumba la pynbna daka Sorkar Jylla Maharashtra.
Na ka liang ka Sorkar Meghalaya ka phah ruh ka khubor jingsngewlem sha ki longïing kiba la duh noh ïa ki baieid bathoin ha kane ka jingjia.
Ia ki tarik ba la pynkylla bad ia ki jingtip ba kham bniah ha kaba ia dei bad ka Meghalaya Spice Festival yn sa pynbna pat ha kawei ka por.
