Shillong, Nohprah 12: U kyrtong ka All India Trinamool Congress (AITC) na Nongkrem konstitwensi u bah Joannes J T L Lamare hynne ka sngi u la thoh sha u Director General of Police (DGP) ka jylla u Lajja Ram Bishnoi ban pynkynmaw halor ka ejahar ba la mudui pyrshah ia u Vicky Dey.
Ha ka shithi sha u DGP, u bah Joannes u la pyntip ba haka 16 tarik Risaw 2020 u la mudui daka ejahar pyrshah ia u Vickey Dey hapoh ka Sardar Police Station halor ka jingkynnoh ba u la pynsaphriang iaki Dur bad Video lyngba ka Youtube kum shi bynta ban wanrah ka jingsngew iapher jaidbynriew.
U bah Joannes u la pyntip sha u DGP ba haduh mynta naka liang ka Sardar Police Station kam shym la pyntip, kumno la leh haba iadei bad ka ejahar pyrshah ia u Vickey Dey.
U la pyntip ruh ba haka 29 tarik Nailar 2021, u la thoh ruh sha u DGP barim ka jylla u R. Chandranathan bad phah buddien iaki Pulit halor ka ejahar hynrei haduh mynta ruh naka liang ka tnat pulit kam pat leh eiei halor kane ka kam.
U bah Joannes u la kyntu ia u DGP ka jylla ban leh iaka ba donkam bad ban bthah iaki Pulit ban thwet ia u Vickey Dey namar u la kren tohmet bad u la pynsaphriang iaki khubor thok lyngba ki Video bad dur ban wanrah ka jingsngewpher hapdeng ki jaidbynriew ba sah hapoh Meghalaya.
