Nongpoh, Lber 11: Ka Sunjuk ki Rangbah Shnong Ribhoi District (SRSRB) hynne ka sngi Nyngkong, kala leit iakynduh ia ka Myntri ka Koit ka Khiah ka Jylla Dr Ampareen Lyngdoh ha Circuit House, Nongpoh ban pynkynmaw biang ia ki kam ba sahteng kiba iadei bad ka jingpynkhlain bad kyntiew ia ki lad ai jingsumar hapoh ka District.
Haba kren sha ki lad pathai khubor, u Secretary ka Synjuk Bah PB Sylliang ula ong ba kane ka jingiakynduh ka dei tang ban pynkynmaw ia ka Myntri haba iadei bad ki kam ba sahteng kiba la dei ban pyntreikam la slem hapoh ka District.
U iathuh ba kine ki kam ki kynthup ia ka Maternity & Child Hospital ha Parila Umsning bad ka Trauma & Emergency Center kaba don ha Nongpoh Civil Hospital.
U Bah PB Sylliang u la iathuh ruh, ba ka Synjuk ka la pynkynmaw ruh ia ka Myntri ia ki jingiakren bala dep halor jingdonkam ban kyntiew kyrdan ia ki sub center bad PHC kiba don ha kylleng jong ka Ribhoi.
Ha kane ka jingiakynduh, ka Synjuk kala pynsngew ha ka Myntri halor ki jingeh jong ki paidbah ka thain ba kynthup ia ka jingduna ka jingdon ki doktor ha ki CHC bad kiwei ki jaka sumar.
 hynne ka sngi Nyngkong, kala leit iakynduh ia ka Myntri ka Koit ka Khiah ka Jylla Dr Ampareen Lyngdoh ha Circuit House, Nongpoh ban pynkynmaw biang ia ki kam ba sahteng kiba iadei bad ka jingpynkhlain bad kyntiew ia ki lad ai jingsumar hapoh ka District.){kind=link}