Shillong, Nohprah 04 : Ia ka Raj Bhavan ha Shillong la pynkylla kyrteng mynta kum ka Lok Bhavan, hadien ka jingbthah na ka Ministry of Home Affairs, ka Sorkar India bad u Lat ka Jylla Meghalaya.
Kat kum ka jingpynbna bala pynmih da ka Governor Secretariat ha ka sngi Palei la ong ba kane ka jingpynkylla kan treikam noh mardor bad baroh ki kam ba iadei bad ka Raj Bhavan dei ban pule noh ka Lok Bhavan.
“Ia ka Raj Bhavan, Shillong naduh mynta dei ban khot noh kum ka Lok Bhavan, Shillong” ong u Principal Secretary u Lat ka Jylla HC Chaudhary ha ka jingpynbna.
