Shillong, Lber 12: Ka Sorkar Jylla kala pynkylla ia ka ktem jong ka Garo National Liberation Army (GNLA) kum ka jaka jngohkai ha South Garo Hills District.
Ia kane la pyntip da u Myntri Sorkar bad MLA ka Siju-Rongara Rakkam A Sangma haba iaroh ia ka jingtreikam jong ka Sorkar MDA ha kine ki hynriew snem ba ka bat ia u lakam ka synshar khadar.
Ula ong ba mynshuwa ki kam kaikhlaw ha Ri-Lum Garo ki dei shisha kiba la ktah palat hynrei hadien ba ka Sorkar MDA kala wan ha ka bor, ka khlem sangeh bad pynthikna ia ki jingkylla ka jinglong jingman ha baroh kawei ka ri-lum Garo. “Ka Ri-lum Garo mynta kala long kum ka bneng. Ka long kaba shongsuk bha” ula bynrap.
U Myntri ula pyntip ba da ki hajar ngut ki nongshang suwari na Jylla bad bar jylla ruh kumjuh bad wat na bar ri kila wan jngohkai sha ki jaka jngohkai ba don hapoh ka constituency jong u.
“Ki nongshang suwari kila leit ruh ban jngoh ia ka ktem jong ka GNLA kaba la pynkylla sha ka jaka jngohkai. Kane kala long ka jingkyrkhu ia kiba bun namar ka jingioh kamai jakpoh na ki nongshang suwari kiba wan kai” ula ong.
Ula iathuh ba mynta, duna eh ki briew kiba wan iakynduh ia u ban pan pisa namar kila don la ka kamai da kaba iarap pynbiang ia ki jingdonkam jong ki nongshang suwari.
 kum ka jaka jngohkai ha South Garo Hills District.){kind=link}