Tura, Naiwieng 08: Hynne ka sngi la pynbna iaki nongjop jong ka West Garo Hills Top 3 District Stars haka jingialang kum shi bynta jong ka jingpynkut iaka Aspire Meghalaya District Talent Events 2022 kabala sdang haka 6 tarik u Risaw 2022.
Ia katei ka jingiakob la pynkut hadien ka jingioh iaki Top 36 District Stars na ka jingwan iashimbynta jongki 13,000 ki khynnah bad samla na kylleng ka jylla ha ka Soft Skills & Talent Identification lyngba ka Aspire Meghalaya.
Ia ka Aspire Meghalaya la sdang ha u Lber 2022 ha kaban pynleit jingmut ban pynshlur iaki samla ha ki shnong ki thaw ban tei iaka sap ka phong ka jongki, ban pynwandur iaka jingangnud kaba ki thrang ha ka jingim ka jongki bad ban lap iaka sap ka phong jongki samla ha kylleng ki District.
Kane ka program kadei kaba la shimkhia daka tnad Sports & Youth Affairs jongka jylla Meghalaya bad la kyrshan pat da ka State Education Mission Authority Meghalaya (SEMAM) bad la pyntreikam ia kane ka projek da ka AVENUES.
Ka Anastacia Sun (Singing), Class 11 bad Rida L. Nonglait (Singing), Class 9 jongka Kynshi Higher Secondary School bad Meplezia Wahlang (Dancing), 5th Semester, na Tirot Sing Memorial College kila ioh iaka jingithuh kum ki Aspire Meghalaya District Stars na Eastern West Khasi Hills.
Namsmi G. Momin (Singing), Class 11 jongka Bajendoba Higher Secondary School, Tiame S. Sangma (Singing) Class 11 na Don Bosco Mendal Higher Secondary School bad Linia Sangma (Art & Craft) 5th Semester na Mendipathar College kila ioh iaka jingithuh kum ki Aspire Meghalaya District Stars from North Garo Hills.
Jiovanni Nongrum (Singing) bad Gavy Jones Lyngdoh Marshillong (Dancing), 5th Semester jongka Nongstoin College bad Fastrossing Kharsyntiew & Pynshaibor Wahlang (Sustainable Innovation) Class 12 na Sibsingh Memorial Higher Secondary School kila ioh iaka jingithuh kum ki Aspire Meghalaya District Stars jongka West Khasi Hills.
First Colour Lathong (Musical Instruments) bad DiangmonSten (Art & Craft), Class 12 jongka St. Dominic Higher Secondary School, Mawkyndeng bad WadamikaPhalangki (Singing) Class 12 na Government Girls’ Higher Secondary School, Jowai kila ioh iaka jingithuh kum ki Aspire Meghalaya District Stars jongka West Jaintia Hills.
U Roshan Ch. Sangma (Singing) Class 12 bad Kadimluchang M. Marak (Dancing) Class 10 na St. Claret Higher Secondary School, Ampati bad Moebasal Ch. Momin (Singing), 3rd Semester jongka Ampati Degree College kila long kum ki District Stars na South West Garo Hills. Kavita Debi (Singing) bad Walman G Momin (Dancing) Class 11 jongka Loyola College bad Sahil R Marak (Dancing), 1st Semester na Williamnagar Government College kial shha jied kum ki District Stars na East Garo Hills.
Dimesa Ch. Sangma (Dancing) bad Talitha Kumi Ch. Sangma (Singing), Class 10 jongka Pioneers’ Secondary School bad u Fiuberth Ch. Momin (Art & Craft), Class 11 jongka Captain Williamson Memorial Government College kila shah jied kum ki District Stars na South Garo Hills.
Ka Afshana Nongkynrih (Dancing), Class 9 jongka St. Mary’s Higher Secondary School, Shillong, Elanstar Mawiong (Musical Instruments), Class 11 jongka St. Anthony’s Higher Secondary School, Pynursla bad u Ashish Paul (Singing), 1st Semester na Shillong Commerce College, Shillong, kila shah jied kum ki District Stars na East Khasi Hills. Aishwadaka Dkhar (Singing), Class 9 jongka Rymbai Government Secondary School, Torimame Dkhar (Singing) Class 9 na Sutnga Presbyterian Higher Secondary School bad Shreya Pal (Art &Craft) Class 12 jongka Jaintia Eastern College kila shah jied kum ki District Stars na East Jaintia Hills.
Ka Anyzza Lyngdoh (Singing) BA 3rd Semester jongka Ri Bhoi College, ka Banisha Kharsyntiew (Singing) Class 11 bad Ribanshanbok Mawlong (Singing), Class 12 na Ferrando Higher Secondary School, Nongpoh, kila shah jied kum ki District
Stars jongka Ri Bhoi. U Richard Marwein (Art & Craft) Class 11 na Nativity Higher Secondary School, Excellency Turnia (Musical Instruments) BA 1st Semester na Sngap Syiem College bad Phibalari Thongni (Dancing) Class 9 jongka St. Mary’s Higher Secondary School, Rangblang kila shah jied kum ki District Stars jongka South West Khasi Hills.
Grimra S. Sangma (Contemporary Performance) Class 12 na Tura Government College, Volgarian Ch. Sangma (Musical Instruments) Class 12 jongka Dalu Government Higher Secondary School bad Sengkamchi R.Marak (Art & Craft), Class 11 na Sacred Heart Higher Secondary School kila ioh iaka jingithuh kum ki District Stars ka West Garo Hills.
Haba kren haka jingialang ha Tura, u Thomas A Sangma, uba long u Chief Advisor jong u Myntri Rangbah ka jylla bad u MLA ka North Tura Constituency, ula ong, “Nga la don ha ki 3 tylli ki jingiakob pyni sap jongka Aspire ha kine ki 2 bnai kiba la dep bad nga la iohi bun ki sap ki phong bad kane kadei tang ka jingsdang. Ka jingieng ha ki rynsan kadei ka sienjam kaba nyngkong, ka pyrthei ka don haka rynsan ka jong phi bad phi dei ban leh trai iaka”.
Ula pynpaw iaka jingsngewnguh ia u Myntri Rangbah ka jylla uba la shim iaka sienjam ban sdang ia kane ka prokram ha kaba ki khynnah samla kila ioh iaka lad ban pyntbit ialade bad ban pynwandur iaka sap jongki kaban kylla long ka spah naka bynta ka jylla bad ka ri.
Katba u Swapnil Tembe u Deputy Commissioner, West Garo Hills District, ula ong, “Nga la leit kai ha kylleng ka ri India bad nga la iakren bad ki samla na kylleng ki jylla bad nga ngeit ba ki samla ka Meghalaya kidei kiba don sap ia kaba ngam pat ju iohi. Nga sngew ruh ba ka India bad ka pyrthei kim tip ia kane ka jingshisha”.
Ula kyntu ia ki samla pule ba kidei ban iashimbynta ha kum kine ki prokram bad ban kin buh iaki jingthoh iaka sap ka phong ka jong.
“Ka pyrthei kadei ban tip, ba ha kawei ka kyndon kynshrot jong ka West Garo Hills, ka don iaka sap. Tri shitom shuh shuh ban pynlong iaka jingsngewtynnad kum ka kam syndon bad kum ki bor pyniaid district ngin ialeh katba lah ban ai jingkyrshan ia phi. Shim ia kane ka kabu, kane kadei ka por jong phi bad leh ia kaba khraw tam eh” ong u DC.
Ha kane ka jingialang la ioh ruh iaka jingkren na u Mark Laitflang Stone, Founder & CEO jongka AVENUES, Saljalgring Marak, District Sports Officer bad Dabo Marak, Vice Chairperson ka MCCL, ki heh ophisar bad kiwei kiwei.
Ha kane ka sngi la pynkup burom ia ki 332 tylli ki jaka pule kiba la iashimbynta ha ka Meghalaya Youth Survey 2022 & Soft Skills Training lyngba ka Aspire Meghalaya bad kila don baroh 348 ki khynnah bad samla na ki 62 tylli ki jaka pule kiba don ha kylleng ka jylla kila shah pynkup burom ha ki District ki jongki.
Kum ban shu kdew kine ki Top 36 District Stars kin iakynduh lang haka State Summit kaban long ha u Nohprah 2022, ha kaba kin ioh iaka lad ban pyni iala ka sap ka phong bad kiba shah jied kum ki Aspire State Stars kin ioh iaka jingithuh bad kin shah pynkup burom ruh.
