Shillong, Jymmang 01 : U Myntri Rangbah ka Jylla Conrad K Sangma, ha ka sngi Balang, ula pynkup burom da ka citation ia u heprit Elambok Dkhar, u Khynnah ula pyllait im ia iwei I Khynnah Kynthei na ka jingngam jyllop hapoh ka Wah Rilang, ha Wahsiej, South West Khasi Hills.
U heprit Elambok, uba dei na ka shnong Wahsiej, ula shah pynkup burom halor ka jingdon ia ka mynsiem ba shlur.
U Myntri Rangbah Conrad K Sangma haba thoh ha Social Media ula ong “ Nga ai citation ia ka heprit Elembok Dkhar na Wahsiej, South West Khasi Hills, kum ka jingithuh bad jingiaroh ia ka jingshlur jong u, kaba la iada ia ka jingduh ia kawei ka mynsiem briew”.
“Haba salute ia ka jingshlur jong u, nga kyrmen ba u heprit Elambok kan long u nuksa ba ai mynsiem bad jingshlur ia baroh ki nongshongshnong jong ngi” bynrap u Myntri Rangbah.
A third life was saved by the timely and brave intervention of Master Elambok, who overcame his apprehension of the river and saved the young girl.
While saluting his courage, I hope that Master Elambok becomes an icon of inspiration and courage to all our fellow citizens. pic.twitter.com/X9p3I86iAj
— Conrad K Sangma (@SangmaConrad) May 1, 2024
Lah ban kdew ba ha ka 21 tarik Iaiong, 2024, ka jingjia ba sngewsih kala jia ha Wah Rilang, Wahsiej ha kaba arngut ki Khynnah Kynthei kila iap ngam jyllop katba ki dang iajngi. Hynrei, iwei pat ila lait im da ka jingkloi ban leit iarap u heprit Elambok, uba la ngam khlem da khein shuh iala ka jingim tang ban pyllait ia ine I khynnah kynthei.
