Shillong, Nailar 31: Ka University of Science and Technology Meghalaya (USTM) hynne ka sngi Palei, kala pynlong iaka 9th Convocation ban pynkup burom iaki 1,655 ngut ki samla pule Graduates bad 14 ngut ki Scholars ha ryngkat bad ka PhD.
U Lat ka jylla u Phagu Chauhan ula shim bynta ha kane ka Convocation bad ula pynkup burom ruh daka Honorary Degree of Doctor of Letters (Hon. D. Litt.) ia u L.Roy bad u Tarique Chauhan.
Haba kren ha kane ka sngi, u Lat ka jylla ula iaroh iaka USTM haba iadei bad ka jingshakri haka liang ka pule puthi bad ka jingpynshlur iaki samla ban shim bynta haka jingwad bniah (Research).
U Lat ula iaroh ruh iaka USTM kaba la lah ban pyllait haduh 96 tylli ki kot bad 222 ki jingwad bniah (Research) kiba la ioh ka jingithuh ha kylleng ka ri India bad ka pyrthei baroh kawei.
Ula iaroh ruh ia ka jinglong ba kloi jong kane ka jaka pule ba ai ia ka jingpule khlem donkam siew iaki samla khamtam ia kito kiba wan naki longing baduk bad ula kyntu iakane ka skulbah ba kan nang treibha shuh shuh haba iadei bad ka jingshakri jong ka haka liang ka pule puthi.
Kiwei ki khusnam bala sam ha kane ka sngi ki kynthup, Visitor’s Best Award shaka Lipavi Yepthomi, LLB, ka Dr. APJ Abdul Kalam Best PG Student Award sha Jhuma Khatun MA Rural Development, ka Chancellor’s Best award sha Khughali G Assumi MA Political Science bad ka PA Sangma Best Undergraduate Award sha Atiqur Rahman B.Sc. Physics.
Nalor kane ka USTM kala sam haduh 24 tylli ki Gold Medals sha ki samla pule Postgraduates bad 22 tylli ki Gold Medals sha ki samla pule Undergraduate jong ki tnat pule bapher bapher.
Pule lang ia kane: Kyntait u Bah Hek ban pdiang ba thmu pyniasoh u Bah Himalaya sha ka NPP
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
