Nongpoh, Iaiong 09: Ki nongtrei ka National People’s Party (NPP) na ki Circle, Unit bapher bapher jong ka Umroi Konstituensi, hynnin ka sngi saitjain kila pynkup burom ia u MLA ba thymmai ka constituency bah Damanbait Lamare ha ka jingialang bala pynlong ha madan Kurkalang, Lumdaitkhla.
Ia kane ka jingialang la wan ban pynshongkun da ka jingiadonlang ki Nongialam ka Party ba kynthup ia u Bah Ngaitlang Dhar, President ka NPP-Umroi, u MLA ka Jowai Bah Wailadmiki Shylla, Bah R. Kharbuki MDC ka Umroi, Bah Dasakhiatbha Lamare, MLA barim ka Mawhati, Bah Pynhun Rynghang, General Secretary ka NPP State Level lem bad kiwei kiwei.
Haba ai jingkren ha kane ka sngi, u Bah Damanbait u la pynpaw ia ka jingkmen bad ka jingsngewnguh ia ki paidbah ka constituency, khamtam ia ka jingtrei shitom jong ki nongkitkam kiba la lah ban pynjop ia u kum u nongmihkhmat sha ka Iingdorbar Thaw Ain ka Jylla napoh ka constituency.
U la ong ruh, ba kum u nongmihkhmat un pynurlong ia ki jingangnud jong ki paidbah bad ka constituency kumba u la kular ha ka por ba ialap ilekshon khamtam ban pyndep ruh ia ki kam ba dang sahteng kaba la prat lynti da u kpa jong u Bah Ngaitlang Dhar u ba dei u MLA barim jong ka Konstituensi.
