Nongpoh, Nailur 01: Ka National People’s Party (NPP)-Jirang Block kala rakhe ia ka lyngkhuh sngikha kaba 76 jong u nongseng ka party u Purno Agitok Sangma (Bam Kwai ha Dwar u Blei) bad ka jingdap 11 snem ka NPP (Foundation Day) da kaba pynkup burom ia ki samla pule lyngba ka MLA Jirang Konstituensi Academy Award.
Ia kane ka prokram la pynlong ha Don Bosco Higher Secondary School, Byrnihat bad la pynshongkun ia ka da ka jingdon lang ka Myntri Sorkar Kong Ampareen Lyngdoh kum ka Kongsan ha ka jingiadon ryngkat u Bah Sosthenes Sohtun, MLA ka Jirang, u Bah Damanbait Lamare, MLA ka Umroi, Bah Clement Mawlong, President ka NPP Ri Bhoi District, u Samla Pyndaplang Wahlang, President ka NPYF, Ri Bhoi nalor kiwei kiwei.
Haba kren ha kane ka sngi, ka Dr. Ampareen Lyngdoh ka la ai jingiaroh ia ki samla pule kiba la lah ban minot thop ia ka jingpule jong ki bad kyntu ruh ba kin nang bteng ia ka jingpule bad ban kiar na ki jingmlien basniew.
Ka la iathuh ruh ia ka jingiaid lynti jong u Purno A Sangma ha ka por ba u dang im bad ruh ia ka jinglen lade ka jong u na ka bynta ban kyntiew ia ka jylla Meghalaya ha baroh ki liang kum u nongthaw ain na kane ka jylla u ba la shah jied ruh kum u Speaker ka Lok Sabha.
Kala iathuh ba u Purno u la seng ia ka party NPP da ka jingangnud ban pynjanai shuh shuh ia ka jingshakri ia ki paidbah ym tang ha ka jylla Meghalaya hynrei wat ia ki jylla jong ka thain Shatei Lam Mihngi bad ia kane ka party mynta la nang pynkhlain bad lam lynti da u khun jong u PA Sangma, u Conrad K Sangma u ba dei ruh u Myntri Rangbah ka Jylla.
Ha kane ka sngi, ka NPP Jirang Block ka la pynkup burom ruh ia u Dominic Sangma , u wei na ki nongshna film ba pawnam ka jylla Meghalaya u ba dei ruh u nongshong shnong ka them Ri Bhoi District.
Pule lang ia kane: Aiti u Conrad ia ka song pisa naka PES ban pynrben biang ia ki Catchment Area ka Ganol Project
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
