spot_img

Pynkup burom ka IndiGo Airlines ia ka Nongtrei ba iarap ia ki pulit ban ioh kurup droks

Date:

Share post:

Aizawl, Naiwieng 24 : Ka Indigo Airlines kala pynkup burom ia kawei ka Nongtrei ha ka sngi Palei namar ka kam shlur ba kala leh da kaba iarap ia ki Pulit ka Mizoram ban ioh kurup ia u droks Methamphetamine (crystal meth) ba shongdor haduh T. 25.49 klur na ki arngut ki nong Myanmar kiba kiew ha ka liengsuin na Manipur.

Kane ka Nongtrei ka Indigo ka dei kaba trei hapoh ka Lengpui Airport kaba don ha Aizawl.

Pule lang ia kane: Breaking : Sei ka NPP da ki Kynthei sha ka Elekshon Lok Sabha! Dr Ampareen na Shillong, Agatha na Tura

Kat kum ka jingiathuh ki Pulit, ka HT Vanlalruata kala iohi ia 10 song u suba droks ba khia 10.2 kilo bad shongdor T. 25,494,000 ha ka por ba khmih bniah (screen) ia ki pla jong ki passenger hapoh ka Indigo Screening Point myn ha ka 3 tarik Risaw.

U Director General of Police ka Mizoram Anil Shukla ha ka sngi Palei, ula ai khublei ia kane ka Nongtrei ka Indigo Airlines da ka pisa ba T. 5000 bad ka shithi sngewnguh.

Ia une u droks la ioh kurup na ki artylli ki suitcase kiba dei jong ki arngut ki kynthei kiba kyrteng ka Lalremthangi bad ka Tunchuaii, kiba dei na Letpanchhawng jong ka Ri Myanmar.

Kine kila kiew ia kane ka liengsuin ban leit sha Delhi. Ia kine ki briew la register case hapoh ka Special Narcotics Police Station hapoh ki kyndon jong ka Narcotic Drugs and Psychotropic Substance Act 1985 bad Foreigners Act 1946.

Peit lang ia kane:

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...