Shillong, Naitung 30: Ka ophis jong ka District Tuberculosis Officer (DTO) East Garo Hills, kala pynkup burom ia ki 24 tylli ki shnong kiba lait na ka jingpang TB hapoh ka District, ha ka jingialang kaba la pynlong ha DRDA Hall hynne ka sngi Baar.
Ha kane ka jingialang la wan ban iashimbynta da ki ophisar sorkar, ki Nokma, ki Sordar, ki President bad ki Secretary jong ki Village Health Council, ki ASHA, ki nongtrei Anganwadi, ki Nikshay Mitras bad kiwei kiwei.
Ka Kongsan ha kane ka sngi, ka Ripamchi N Sangma Additional Deputy Commissioner bad ka CEO ka Williamnagar Municipal Board haba ai jingkren kala pan ia ka jingiatreilang na ki paidbah ka thain, ba kin kham trei shitom ban pynlong ia ka East Garo Hills kum ka “TB Free District” bad kala ong ba da ka jingdon jong ki jaka sumar kiba paka, lah ban pynkoit pynkhiah ia ka jingpang TB da kaba suk.
Kala ban jur ruh halor ka jingdonkam ban bteng ïa ki prokram ai jingpynsngewthuh ia ki paidbah khnang ba yn lah ban rat dyngkhong ïa ka jingpang TB hapoh u snem 2025.
U District Medical and Health Officer (DM& HO), u Dr. CEN Sangma haba ai jingkren, ula kyntu ia ki paidbah ka thain ba kin nang trei shitom shuh shuh ban pynthikna ba ki shnong jong ki shah pynbna kum ki “TB free Villages” ne ki shnong kiba lait na ka jingpang TB.
Ha katei kajuh ka sngi, 6 tylli ki shnong na Dambo- Rongjeng C& RD Block, 9 tylli na Samanda C& RD Block bad 9 tylli na Songsak C& RD Block kila ioh iaka
syrnod ba kidei ki shnong kiba lait na ka jingpang TB ha East Garo Hills.
U MOTC, u Dr. SR Marak ula ai ïa ka jingkren ai khublei katba ka District Tuberculosis Officer ka Dr. Chrissie Pearly M Sangma kala kren halor ka jingpang TB bad ka rukom sumar ïa ka bad halor ki daw jong ka jingpynbna ïa ki shnong ba kidei kiba lait na ka jingpang TB.
Ha katei ka prokram la ioh ruh iaka jingrwai na u Nikshay Mitra uba dang 11 snem ka rta, ka Youngley Cherikam Ch Momin bad ka jingai iaka jingbatai kaba bniah na uwei u nongpang uba la jop pyrshah ia ka jingpang TB.
, u Dr. CEN Sangma haba ai jingkren, ula kyntu ia ki paidbah ka thain ba kin nang trei shitom shuh shuh ban pynthikna ba ki shnong jong ki shah pynbna kum ki “TB free Villages” ne ki shnong kiba lait na ka jingpang TB.){kind=link}