Shillong, Nailur 30: Ka ABVP Jowai hynne ka sngiNyngkong, ka la pynlong ia ka jingialang sam khusnam ‘U Kiang Nangbah Best Student Award 2024’ ha District Auditorium, Mynthong, Jowai.
Ha kane ka sngi la wan shim bynta da palat 600 ngut ki samla pule, ki kmie ki kpa bad ki nonghikai.
Iaki khusnam la sam da u Chief Executive Member jong ka Bodoland Territorial Council u Pramod Boro haka jingdon lang u EM ka JHADC u Lakhon Biam, u Puranon Kynjing u Dolloi jong ka Elaka, Jowai bad Dr. Sashankutlang Khongthohrem, State President ka ABVP Meghalaya.
Ha ka jingkren jong u Pramod Boro u la ai ka jingiaroh ia ka ABVP kaba la pynkup burom ia ki nongialeh laitluid ka Meghalaya daka ba sam daki khusnam shaki samla pule ba wan shakhmat.
U Lakhon Biam haka jingkren u la pynshlur ia ki samla kiba la pynkhreh ban shakri ia ka Ri bad jaka jaidbynriew.
Naka liang u Puranon Kynjing u la ai ïa ka histori lyngkot shaphang U Kiang Nangbah, da kaba pynpaw ïa ka jingaiti jong u na ka bynta ka jingïakhun laitluid jong ka ri India.
Ha kane ka prokram la pynkup burom ia ki 94 ngut ki khynnah skul na ki 46 tylli ki skul jong ka West Jaintia Hills.
Ka jingïalang ban sam khusnam iaki sama pule ba wan shakhmat ka la long kaba jop bha, kaba pynpaw ïa ka jingangnud jong ka ABVP ban ithuh ïa ka jingtbit ha ka pule puthi bad ban pynroi ïa ka jingieid ri hapdeng ki samla.
