Lumshnong, Rymphang 16: Ka Dalmia Bharat Foundation (DBF), kaba dei ka Corporate Social Responsibility (CSR) jong ka Dalmia Cement (Bharat) Ltd (DCBL), kala wanrah ia ki sienjam ban kyntiew ïa ki shnong ha ki thaiñ nongkyndong kiba kham sahdien lyngba ki jingai jinghikai da ki kor ki bor ka juk stad kaba mynta ha ka jylla Meghalaya.
Ka DBF kala pynlong ia ki prokram ai jinghikai bapher bapher na ka bynta ki shynrang, kynthei bad ki samla ban kyntiew ïa ki sap lyngba ki bor ki kor jingstad ne digital bad financial literacy bad kawei na ki Digital Literacy kadei ka prokram “World on Wheels” (WoW), kaba don ïa ki bus ryngkat ki kor teknoloji ban ai ia ka e-education bad ki digital resource ha ki jaka nongkyndong.
Nalor kine, ka Common Service Lab (CSL) ha Lumshnong ka ai jinghikai kyrpang ia ki nongshong shnong bad kine ki sienjam kila wanrah shibun ki jingkylla, ryngkat ka jingkyntiew ïa palat 250 ngut ki nongshong shnong da kaba plie lad ba kin ïeng ha la ki jong ki kjat ban kamai kajih.
Ka Kong Merida Bareh kaba na ka shnong Mynkre, kaba trei da kaba shu bylla sngi mynta kala kylla long ka Office Assistant ba tbit lyngba ka jingshim bynta ha ka prokram CSL.
“Nga dap da ka jingsngewnguh ïa ka Dalmia Bharat Foundation na ka bynta ki lad kiba ka la ai kiba la plie lynti ban pynkylla. Nalor ka jingtip ïa ki kor computer bad ïoh ka kam ban trei hi ka la pynkylla ïa ka jingim jong nga. Mynta nga la shong kurim bad shong ïing wai ha ryngkat u kurim bad kyrshan ïa ki bahaïing bad u para jong nga” ong ka Kong Merida.
Nakaliang jongu Raju Ranjan Prasad, Asst. Executive Director, Dalmia Cement u la ong, “Ha Dalmia Cement, ngi don ka thong ban kyntiew ïa ka longbriew manbriew bad ka imlang sahlang nalor ka ïoh ka kot ha ki sawdong ki shnong ha ka thain kaba ngi treikam. Ha ka pyrthei stad mynta, ka digital literacy kala kylla long ka hok kaba donkam ha kaba ka ai ïa u briew da ki jingtbit ban ïoh ïa ki jingtip, ka jingpynīasoh bad ïashimbynta ha ka ïoh ka kot jong ka pyrthei baroh kawei.
Ka jingsdang ïa ka World on Wheels (WOW) ka dei ka jingïatreilang hapdeng ka HP Inc bad ka Digital India Initiative ka Sorkar India ha kaba la pyndonkam ïa ka bor sngi ha ki digital learning lab kiba la buh ha ki bus ban ai ïa ka digital literacy training, ka jingkyntiew ïa ki kam treikam dalade, ka e-education, bad ka jingïarap ïa ki nongshong shnong ha ki jaka nongkyndong bad ki jaka ba jan sor.
Ka Dalmia Bharat Foundation ka don ia ka thong ban kyntiew ïa ka imlang sahlang ha ryngkat ka ïoh ka kot ha ki shnong nongkyndong bad ha sawdong ba don ki jaka treikam jongka Dalmia ha thainshatei lam mihngi bad ka Foundation ka pynlong ïa ki prokram bapher ban hikai pyntbit bad kyntiew ïa ka rukom im ki nongrep, ki longïing bad ki samla, ka rukom ri ia ki blang, ki masi, ka rep ka riang bad kiwei kiwei.
, kaba dei ka Corporate Social Responsibility (CSR) jong ka Dalmia Cement (Bharat) Ltd (DCBL), kala wanrah ia ki sienjam ban kyntiew ïa ki shnong ha ki thaiñ nongkyndong kiba kham sahdien lyngba ki jingai jinghikai da ki kor ki bor ka juk stad kaba mynta ha ka jylla Meghalaya.){kind=link}