Shillong, Naitung 22: U Presidnet ka FKJGP u Bah Dundee Cliff Khongsit ula ong ka daw kaba la pynlong iaka seng ban khynra ia ki nongbylla bar jylla kadei namar ka jingbym leh eiei jong ka sorkar jylla.
Haba iakren bad ki nongthoh khubor, u Bah Dundee ula ong, ka seng kala pynlong iaka jingkhynra ia ki nongtrei bar jylla bad kumjuh ia ki bar jylla kiba khaii pateng khlem ka Trading License namar ba ka sorkar kala shu shong kli kti.
“Haba ka sorkar kam leh eiei, kala pynlong ia ngi kum ki nongialam bad ka seng kaba don ia ka jingkitkhlieh ban shimkhia ia kane ka mat bad ka seng kam don shuh ia kano kano ka jingsngew lyngngoh haba ki dkhot ki ioh ia ki shithi shah khot hajir ha ki pulit” ong u nongialam ka FKJGP.
Ula ong, katba ka jylla kam pat don satia ia ki ain kiba pyrkhing ban iada na ka jingwan rung kyrthep ki briew kiba nabar, ka FKJGP kan shimkhia bad kan leh eiei halor kane ka mat man la ka por da kaba pynlong ia ki khynra ia ka Labour License bad ia ka Trading License.
