Pynkiew ka Sorkar ia ka khajna Petrol bad Diesel da T. 1.50 naia

Date:

Share post:

Shillong, Nailar 24: Ka Sorkar Meghalaya Democratic Alliance (MDA) hynne ka sngi Balang kala mynjur ban pynkiew noh ia ka khajna umphniang Petrol bad Diesel da T.1.50 naia

Ia kane ka rai la shim ha ka jingialang jong ka kynhun Myntri kaba la mynjur ia ka dor thymmai jong ka khajna n aka petrol bad diesel.

Haba iakren bad ki nongthoh khubor, u Myntri lum khajna ka Jylla James K Sangma ula ong “Mynta, ka khajna b alum na ka petrol ka long 13.5% lane T. 11 na ka shi liter kat kaba heh. Ia kane la pynthymmai sha ka 13.5% lane T. 12.50 naia shi liter kat kaba heh”.

“I aka Diesel, ka dor khajna ba lum mynta ka long 5% lane T. 4 na ka shi liter kat kaba heh. La pynthymmai ia ka sha ka 5% lane T. 5.50 naia na ka shi liter kat kaba heh”ula bynrap.

Haba pynpaw ba ka dor die paidbah ne Retail Sale Price (RSP) ha Byrnihat ia mynta ka long T. 95.10 naia, u Myntri ula ong ba kan sa don ka jingiapher da T. 1.92 naia hapdeng ka Assam bad ka Meghalaya.

“Ia ka Petrol, ka dor paidbah ba thymmai kan long noh T. 95.10 naia ha Byrnihat bad T. 96.83 naia ha Shillong katba ia ka Diesel pat kan long T. 83.50 naia ha Byrnihat bad T. 84.72 naia ha Shillong. Ka jingiapher kan long ha Byrnihat da T. 1.44 naia ia ka Diesel bad T. 0.22 naia ha Shillong” ula ong.

U James ula ong “Wat hapdeng kane ka jingpynkiew ia ka khajna bad ka jingkiew dor man ka por jong ka Petrol bad Diesel, ngi kum ka Jylla ngi dang ioh tad dor eh ia ka Petrol bad Diesel ha ka ri baroh kawei”.

Ia kane ka rai la shim ruh hadien ba ka Sorkar Assam dang shen kala pynkylla thymmai ia ka dor khajna halor ka Petrol bad Diesel.

Kumba ju leh bad ju bud da ka Jylla Meghalaya la slem slem bha haba don ka jingpynkylla ia ka dor ha Assam, ban iabud lang ia kane, ka sorkar Meghalaya ruh ka ju pynkylla thymmai ia ka dor jong ka Petrol bad Diesel ban shim kabu ia ka jingiapher ka dor, ong u Myntri.

Share post:

spot_img

Popular

More like this
Related

Mizoram | Bam duh ka ding ia 60 tylli ki dukan ha Aizawl

Aizawl, Lber 17: Ka ding kaba shyrkhei hynne ka...

Phah ka Sorkar ia 2 ngut ki Ophisar sha Karnataka ba iap ngat bih u Khynnah na Meghalaya

Shillong, Lber 17 : Ka Sorkar Jylla kala phah...

Duh ei ka Jylla T.1.18 klur ba sang ban iatreilang ka Tnad Forest bad ka Mining & Geology

Shillong, Lber 17 : Ka jingbym don ka jingiatreilang...

Dang pynkhreh ka Sorkar ban thied jaka ha kylleng ki District ban pynkylla jaka theh niut

Shillong, Lber 17 : Ka Sorkar Jylla ka dang...