spot_img

Pynkhuid ka Seng ki Nongbylla ia ka Wah Umshing ban rakhe dap shisnem

Date:

Share post:

Shillong, Risaw 05: Ka seng ki nongbylla ha Mawiong Umjapung ka Domestic Worker Union hynne ka sngi Balang ka la pynkhuid ia ka wah Umshing kum shi bynta jong ka jingrakhe dap shi snem ka seng.

“Ngi la pyrkhat bad puson kaei ba ngin leh na ka bynta kane ka jingdap shisnem, hynrei khatduh ngi sngew ba ka dei ia ngi ban shim ia ka sienjam da kaba pynkhuid ia ka wah umshing kaba ngi la iohi ia ki jingjaboh jong ka wah,” ong ka kong Sngewbhalang Bamon, President ka Seng ki Nongbylla (Domestic worker Union).

Ka kong Bamon ka la ong ruh, “Nga ai khublei ia u MLA bah PT Sawkmie iba la wan jngoh ban don lang bad ngi, kumjuh ruh ia u Rangbah shnong Mawiong Umjapung.”

Ka kong Bamon ka la bynrap da kaba pynpaw ia ka jingsngewkmen ia ka jingwan ai mynsiem jong u MLA, u bym ju iehnoh bad uba iai don ryngkat barabor bad ki.

Katba na u Bah PT Sawkmie u la pynpaw ba u dap da ka jingsngewkmen ban ia don bynta lang bad ka seng ki Nongbylla ha kane ka jingrakhe dap shisnem ka jong ki.

Ha kane ka sngi la ioh ruh ia ka jingkren na u bah Anthony Kharkongngor, Rangbah Shnong ka Mawiong Umjapung uba la pynpaw ba baroh ki nongshong shnong ki pyndonkam ia ka wah umshing khamtam ki nongsait jain, kumta u kyntu jur ban sumar khuid ia ka.

Share post:

spot_img
spot_img

Popular

More like this
Related

Films promoting Meghalaya to get upto ₹1 Crore under new Film Policy

Shillong, July 10: The Meghalaya government has taken a...

Assam | Pynkhreh ka Goalpara District ban kyndang ia ki Iing beain na Paikan Reserve Forest

Guwahati, Naitung 10: Ki bor District ka Goalpara kala...

Pynthikna ka Sorkar ban leh tyngeh ia ki nongthombor pyrshah ia ki Kynthei bad Khynnah

Shillong, Naitung 10 : U Myntri ka Tnad Social...

Mynjur ka Sorkar ia 3 tylli ki Rule ban wanrah ia ka bishar kam bymman kaba shai ha Jylla

Shillong, Naitung 10 : Ka Kynhun Myntri ka Sorkar...