Shillong, Naiwieng 12: Ka Meghalaya State Legal Services Authority (MSLSA) kala pynlong iaka National Lok Adalat hynne ka 12 tarik u Naiwieng ha baroh ki District jong ka jylla Meghalaya.
La pynlong iaka National Lok Adalat lyngba jong ka National Legal Services Authority (NALSA) bad hapoh ka jingialam jongu Chief Justice ka High Court of Meghalaya u Justice Sanjib Banerjee uba long ruh u Patron-in-Chief jongka Meghalaya State Legal Services Authority (MSLSA) bad hapoh ka jingkhmih jong u Judge ka High Court of Meghalaya u Justice H.S.Thangkhiew uba long ruh u Executive Chairman ka MSLSA.
Ha katei ka National Lok Adalat, la tian bishar ia ki 785 ki mukotduma kiba dang sahteng hapoh ki iingkashari bad 454 tylli kiwei pat ki mukotduma ha kaba la lah ban pyniasuk bad pynbeit noh.
Kila don baroh 1239 ki mukotduma kiba la tian bishar ha kaba 216 ki mukotduma la pynpoi noh shaka jingiasngewthuh jingmut ha ka jinglut jingsep kaba kot T.1,33,86,382.17 ( 1 Klur, 33 Lak, 86 hajar, 380 tyngka bad 17 paisa) tang ha katei ka National Lok Adalat. Kane ka long katkum ka kyrwoh na Member Secretary MSLSA, E Kharumnuid.
