Shillong, Nailur 29: U MDC ka VPP na Nongthymmai Bah Winston Tony Lyngdoh ula pynkhreh ban shimti noh ia ka shuki Chief Executive Member (CEM) ka Khasi Hills Autonomous District Council (KHADC) hadien ba ka Liang Pyrshah kam shim la pynieng kyrtong ban iakhun ia ka elekshon CEM.
Une u MDC ka VPP ula leit ban thep kyrteng kum u kyrtong bad aiti ia ki kot ki sla ha u Secretary ka Legislative jong ka KHADC Bah B Sohtun bad hadien kane la pyndep ruh ia ka jingkhmih bniah ia ki kot ki sla.
Namar ka jingbym don kino kino ki MDC na ka Liang Pyrshah ban thep kyrteng kum u kyrtong ban iakhun ia ka elekshon, u Bah Winston Tony Lyngdoh ula jop suk ia ka elekshon khlem kano kano ka jingiakhun bad kaba sah mynta ka long sa tang ban shu pynbna paidbah ha ka dorbar jong ka KHADC kaban long ha ka sngi Baar.
Lah ban ong, ba ka Sorkar ka la buh ia ka 30 tarik ban pynlong ia ka elekshon CEM hapoh ka iing dorbar jong ka Council ha ka por 11 baje mynstep.
Ka jingpynlong ia kane ka elekshon kadei hadien ba u Bah Shemborlang Rynjah ula hiar shuki noh kum u CEM ka KHADC.
 ka Khasi Hills Autonomous District Council (KHADC) hadien ba ka Liang Pyrshah kam shim la pynieng kyrtong ban iakhun ia ka elekshon CEM.){kind=link}