Shillong Rymphang 25: Ka Wrestling Association of Meghalaya (WAM) kala sdang ia ka jingpynkhreh ban jied ia ki nongialehkai ki ban leit iashimbynta ha ka 3rd North East Olympic Games 2024 kaban long ha Nagaland.
U President ka WAM u Bah Isaiah Kharmawphlang ula pyntip ba ia katei ka jingpynkhreh ban jied ia ki nongialehkai la pynlong ha Happy Red Rooster Gym ha ka 23 tarik u Rymphang 2024 ha kaba ki nongialehkai kiba la jop ha ka 5th Meghalaya Games kila iakhun ban pyni ia la ka jingtbit ha kitei ki kyrdan bapher.
Ula iathuh ba ki nongialam jong ka WAM kin jied ia ki nongialehkai na ka bynta ka FeeStyle Wrestling ki shynrang ha ka 57kg, 61kg, 65kg, 70kg, 74kg, 79kg bad ki kynthei ha ka 50kg, 53kg, 55kg, 57kg, 59kg hadien kane ka jingjied ki jingialehkai kin sa ioh iaki jinghikai hashwa ba kin leit iakhun ha ka 3rd National Games 2025 ha Nagaland.
Ha katei ka jingiakhun la wan ban iashimbynta lang da ki samla na Rilum Garo kiba la iakhun ha ki kyrdan bapher bapher.
U Bah Kharjana ula pyntip ba ki bor pyniaid MSOA kila aiti ha ka WAM ban phah ia ki nongialehkai na ka bynta ka Belt Wrestling namar ha katei ka jingialang ki nongialam jongka WAM kila pynpaw iaka jingdon jong ki nongialehkai jongki kiba lah ban ia khun ia katei ka Belt Wrestling bad ia kane kin sa nang pynmih ki jingpynbna.
Ha ka belt Wrestling ki jingiakhun na ka bynta ki shynrang ka long ha ka 60kg, 70kg, 80kg, 90kg, 100kg, 100kg shaneng bad ia ki kynthei ka long 55kg, 60kg, bad 65kg.
Ki nongpyniaid ki dang ap ruh ban ioh jingbthah ha kaba iadei bad ki jngpynbeit baroh khamtam ki jingkyrshan ha kaba ia dei bad ka mang tyngka na ka MSOA bad na ka tnad Sports and Youth Affairs jong ka jylla ban phah leit iashimbynta ia ki nongialehkai sha ka 3rd North East Olympic Games 2024.
 kala sdang ia ka jingpynkhreh ban jied ia ki nongialehkai ki ban leit iashimbynta ha ka 3rd North East Olympic Games 2024 kaban long ha Nagaland.){kind=link}